影片
更多
2015-05-19
286 瀏覽
好耐冇同中學同學見面喇! 食完個飯去到夜晚想搵個地方坐低食甜品加繼續吹水, 行過見到甜牙牙有FD話想去試下就入咗去, 其實一路都有聽聞甜牙牙D野幾抵食夾大份, 咁就岩晒幾個人一齊去食啦!!呢間野雖然地方唔算大, 但都整齊同乾淨, 人流都唔算少... 我諗係呢個時間大家都會去食甜品加傾下計掛~我地TOTAL就叫咗4樣野,一個都幾特別同少見嘅荔枝流心布丁,香芒吐司盒,士多啤梨PANCAKE同埋芭娜娜提拉米蘇窩夫~好似叫咗好多咁添哈哈! 首先黎嘅係荔枝布丁,有D果肉係個布丁旁邊圍住, 而個布丁上面就好似係荔枝雪芭, 原來係HELLO KITTY樣黎架! 好特別, 食落口感都唔錯, 而且原來布丁入面仲有荔枝果肉, 幾清新, 我就覺得味道唔太算甜, 所以我個男仔朋友覺得好好食, 我諗係因為男仔有D都唔太鍾意太甜掛...而第二樣黎嘅就係香芒吐司盒, 好大份好靚, 佢賣相真係冇得頂,不過呢份吐司盒唔止得賣相, 食落都好好食... 佢最高個度有舊雪榚同一塊橙乾, 幾得意, 而下面個D就係吐司黎嘅, 本身以為佢要逐塊好麻煩咁切, 但拎開發現佢好貼心咁每片吐司都分成3小條, 佢塊吐司條真係不得了! 應該係
呢間野雖然地方唔算大, 但都整齊同乾淨, 人流都唔算少... 我諗係呢個時間大家都會去食甜品加傾下計掛~我地TOTAL就叫咗4樣野,一個都幾特別同少見嘅荔枝流心布丁,香芒吐司盒,士多啤梨PANCAKE同埋芭娜娜提拉米蘇窩夫~
好似叫咗好多咁添哈哈! 首先黎嘅係荔枝布丁,有D果肉係個布丁旁邊圍住, 而個布丁上面就好似係荔枝雪芭, 原來係HELLO KITTY樣黎架! 好特別, 食落口感都唔錯, 而且原來布丁入面仲有荔枝果肉, 幾清新, 我就覺得味道唔太算甜, 所以我個男仔朋友覺得好好食, 我諗係因為男仔有D都唔太鍾意太甜掛...
而第二樣黎嘅就係香芒吐司盒, 好大份好靚, 佢賣相真係冇得頂,不過呢份吐司盒唔止得賣相, 食落都好好食... 佢最高個度有舊雪榚同一塊橙乾, 幾得意, 而下面個D就係吐司黎嘅, 本身以為佢要逐塊好麻煩咁切, 但拎開發現佢好貼心咁每片吐司都分成3小條, 佢塊吐司條真係不得了! 應該係搽咗蜜糖再去焗, 好好食呀! 佢仲要係外脆內軟架! 平時D吐司可能係中間個位就會冇咁脆, 但呢度係每塊每個位都咁脆! 睇得出都落咗幾多心機咁!大家食完都話好食~
跟住就到士多啤梨PANACAKE, 照舊係賣相十分吸引~~又夠COLORFUL~ 不過呢個甜品味道比較淡, 冇頭先吐司盒咁甜, 所以又係D男士覺得好食D, 不過可以一讚嘅係佢PANCAKE幾厚, 但係唔會好實心咁, 幾鬆化架!
最後就係芭娜娜提拉米蘇窩夫~其實芭娜娜原來即係香蕉哈哈XD 佢個芭娜娜提拉米蘇好特別, 最底有舊凍蕉, 好食! 而窩夫就有D特別, 佢係成舊都係鬆化同脆卜卜嘅, 好似我呢D鍾意食脆口野嘅人就覺得好好食!~ 同埋佢有配糖漿比你食窩夫架~~大家食完一輪, 都覺得個胃非常满足... 感覺係真係好大份呀, 同埋都真係好食嘅! 唔知仲有冇機會再同佢地黎食甜品呢? 希望下次快D再約到出黎啦~
張貼
