影片
更多
2018-03-19
523 瀏覽
黎開中旅社攞證件，順便試下出名既Burger。我地點左一人一個經典Burger ($68)，其中一個跟餐($28)，著條加芝士醬 ($8)，飲品轉凍水果茶 ($10)。最好味係芝士薯條，薯條好粗，有炸但係唔太熱氣，裡面仲係薯蓉咁軟熟，調味都啱啱好，可能係我地食過最好既薯條！經典漢堡正正常常，無乜邊樣配料既味道好突出，唔係Burger King個種重口味，不過整體既味道好協調，渾然一體。好期待既安格斯漢堡扒唔係好濃牛味，係淡淡既香味，口感都幾豐富。蕃茄生菜好新鮮好多汁，MRMS醬汁係一半芥末一半蛋黃醬，味道温和。上面塊包好有份量，唔係打左空氣既，食完非常飽肚，由下晝飽到夜晚！水果茶不過不失，紅茶唔係特別好，水果份量就好多，篤多幾下都係夠味既。總結黎講性價比唔錯，好味得黎食得好飽，其實我地兩個share一個double經典Burger，再加個小食都可能夠。一開始黎錯左個double burger，份量好驚人，早知唔叫老闆娘換單層burger比我地。。。。因為佢之後話唔好意思，請我地食一份薯條，再之後後生女店員話唔小心炸多左份薯條，又請我地食，我地卒之食左3份薯條。我地坐左門外既摺枱，因為老
黎開中旅社攞證件，順便試下出名既Burger。我地點左一人一個經典Burger ($68)，其中一個跟餐($28)，著條加芝士醬 ($8)，飲品轉凍水果茶 ($10)。
最好味係芝士薯條，薯條好粗，有炸但係唔太熱氣，裡面仲係薯蓉咁軟熟，調味都啱啱好，可能係我地食過最好既薯條！
經典漢堡正正常常，無乜邊樣配料既味道好突出，唔係Burger King個種重口味，不過整體既味道好協調，渾然一體。好期待既安格斯漢堡扒唔係好濃牛味，係淡淡既香味，口感都幾豐富。蕃茄生菜好新鮮好多汁，MRMS醬汁係一半芥末一半蛋黃醬，味道温和。上面塊包好有份量，唔係打左空氣既，食完非常飽肚，由下晝飽到夜晚！
水果茶不過不失，紅茶唔係特別好，水果份量就好多，篤多幾下都係夠味既。
總結黎講性價比唔錯，好味得黎食得好飽，其實我地兩個share一個double經典Burger，再加個小食都可能夠。一開始黎錯左個double burger，份量好驚人，早知唔叫老闆娘換單層burger比我地。
。。。因為佢之後話唔好意思，請我地食一份薯條，再之後後生女店員話唔小心炸多左份薯條，又請我地食，我地卒之食左3份薯條。
我地坐左門外既摺枱，因為老闆話入面太細，無位比導盲狗仔坐，好彩今日天氣好，我地都坐得好舒服。
張貼
