影片
更多
2015-08-26
204 瀏覽
麻煩師傅仔所有點心蒸飯都要即叫即蒸，我比較咀刁，預先蒸定不太喜歡，新鮮出爐滾熱辣噴晒煙先係最正最好味架麻，我今日唔趕大把時間，慢慢啦，真係唔該晒您地。山竹牛肉球，要幾彈有幾彈呀！香噴噴牛肉球，自家打做，環環緊扣，纖維緊緻幼嫩，滑嘟嘟！咬啖原味溫柔細嚼，竟然係清香檸檬葉味道在味蕾間滾動，尾隨著鮮牛香氣，juicy juicy！大膽地將整個牛肉球連山竹沐浴在香甜喼汁之中，甜酸味滲入牛肉每吋肌膚。每趙一下，肉汁激射跟喼汁相互呼應，酸甜中帶著肉香，好好味呢！潮州粉果，從蒸櫃中剛剛走出來，冒著輕煙，表面潤澤立立令！急不及待直跳入我溫暖既口中。咬開有肉有芹有葛有花生，全部爽脆香甜，再配上我最愛的自家辣椒渣，好幸福啊！高湯鮮竹卷，賣相已經比人有好清爽既感覺，加上約隱約現既腐皮外衣，令人十分期待。索一索，應該係雞湯香氣。不雖保留任何儀態，大啖咬吧！澎湃既湯汁跟肉汁齊齊灌入口中，甜美非常！木耳、甘筍、西芹、椰菜清香爽脆，美味！滿足！砵仔咖哩魷魚，砵仔？好別緻喎，第一次見用砵仔煮咖哩魷魚，坊間一向覺得用砵仔、瓦煲、燉盅煮食物會特別好味！我都係一樣咁諗。用筷子夾舊魷魚鬚試試先，彈到活既一樣，非常百厭！搞到咖
麻煩師傅仔所有點心蒸飯都要即叫即蒸，我比較咀刁，預先蒸定不太喜歡，新鮮出爐滾熱辣噴晒煙先係最正最好味架麻，我今日唔趕大把時間，慢慢啦，真係唔該晒您地。
山竹牛肉球，要幾彈有幾彈呀！香噴噴牛肉球，自家打做，環環緊扣，纖維緊緻幼嫩，滑嘟嘟！咬啖原味溫柔細嚼，竟然係清香檸檬葉味道在味蕾間滾動，尾隨著鮮牛香氣，juicy juicy！大膽地將整個牛肉球連山竹沐浴在香甜喼汁之中，甜酸味滲入牛肉每吋肌膚。每趙一下，肉汁激射跟喼汁相互呼應，酸甜中帶著肉香，好好味呢！
潮州粉果，從蒸櫃中剛剛走出來，冒著輕煙，表面潤澤立立令！急不及待直跳入我溫暖既口中。咬開有肉有芹有葛有花生，全部爽脆香甜，再配上我最愛的自家辣椒渣，好幸福啊！
高湯鮮竹卷，賣相已經比人有好清爽既感覺，加上約隱約現既腐皮外衣，令人十分期待。索一索，應該係雞湯香氣。不雖保留任何儀態，大啖咬吧！澎湃既湯汁跟肉汁齊齊灌入口中，甜美非常！木耳、甘筍、西芹、椰菜清香爽脆，美味！滿足！
砵仔咖哩魷魚，砵仔？好別緻喎，第一次見用砵仔煮咖哩魷魚，坊間一向覺得用砵仔、瓦煲、燉盅煮食物會特別好味！我都係一樣咁諗。用筷子夾舊魷魚鬚試試先，彈到活既一樣，非常百厭！搞到咖哩汁四踐喇！最終都安全送入口中，好爽口啊！而且咖哩味濃，質地較厚又會水汪汪，食到唔停得口。
北菇蒸雞飯，物以罕為貴，梗係食左件冬菇先！嫩滑爽甜多汁香濃菇味，無得彈！白雪雪既無骨雞球大大舊，滑嘟嘟香噴噴，醃得香甜味美又帶鮮，一咬一肉汁。每一粒飯都撈上清香甜豉油再配上雞球齊齊食，美極了！發現將剛才香濃咖哩汁撈雞飯食係超級好味道架！十足十係中式咖哩雞球飯，成砵濃郁咖哩汁倒晒落去撈黎食，堅正！
冬瓜薏米芡實燉水鴨湯，黎個老火靚湯作完美的終結。時令夏日湯，消暑解熱又去濕，所有材料都有保健功效，全部渣都比我掃清光，最好食係煲到入晒味、軟棉又多汁既冬瓜，鴨味、瑤柱味集於一身！勁熱呀，又淥到甩皮呢！小心。
張貼
