五代同糖 (已結業)

同肥髀食完拉麵，佢想食埋糖水先返屋企，當然無問題，上openrice睇到呢間未試過，加上近車站，就試一試，去到唔使等位，坐到靠牆梳化位，裝修感覺唔視襯，紫紅色配白色，好像想行格調，但反而有啲娘，幸好都仲叫乾淨企理，而且都闊落，我見openrice招牌菜都以西式凍甜品為主，但我唔食凍食（身體唔好）所以我叫： 紅棗元肉燉雪耳（$30）：一上枱見到用即棄膠碗裝，已經扣咗分！ 而且見水多過料（同參考圖片爭好遠，雖然個碗都唔係細，但得雪耳三塊，爽口，幾粒蓮子元肉都正常，但紅棗真係唔得，雖然好大粒，但肉好霉，皮又硬，破壞晒成碗糖水 楊枝金露雪花冰（$38）：肥髀食，我都食咗一啖，芒果肉好甜，柚子肉香甜無苦澀味，不過無西米，（所以唔似楊枝金露）連埋芒果糖漿同雪花冰一齊食，味道真的不錯，而且份量大！肥髀都食唔晒！不過我自己唔鍾意雪花冰輕飄飄，食咗好似無食！無質感！所以比我唔會食呢款！即用即棄餐具放响枱，堂食用即棄餐具，感覺始終爭啲（可能好像新聞講，請唔到洗碗？）侍應爽快！快快脆脆食完走！呢間下次都係食西式甜品好有保證啲！