影片
更多
2018-11-23
594 瀏覽
呢間買點心嘅鋪頭第一次食係喺牛池灣街市入邊見到，因為佢有我最鍾意食既糯米飯同埋椰汁千層糕，所以就有留意佢。佢亦都有我都好鍾意食嘅點心，如鹹水角。價錢公道所以就漸漸留意佢，嗰陣時就覺得屋企附近冇，好難食到，但係之後估唔到佢開咗喺就近點。如果鍾意食中式點心糕點或者包類的朋友就岩，熱辣辣嘅點心源源不絕供應，不斷推陳出新，種類多又大件。佢比我嘅第一印象就係佢嘅點心$24有兩盒，價錢公道，選擇真係好多款式好多，等我揀兩盒都唔知要邊兩盒，不過其實佢都可以有$36三盒選擇，揀唔到㗎嘅朋友都可以揀多幾盒咖，價錢都係一樣。我自己就好鍾意食佢嘅茶果，有紅豆味啦又有鹹嘅眉豆味，兩種都好食。不過我鍾意嘅椰汁千層糕就比較細件，對比上的冇咁抵食。佢嘅腐皮卷、鯪魚肉釀茄子、韭菜餅、鹹水角同炸芋角等我都好鍾意食。早排仲出咗新鮮出爐嘅叉燒酥同埋奶黃酥，款式日漸繁多。而其中中式煎炸嘅點心或糕點每份有四件咁多，買兩盒又平啲，每日都有唔同款式揀，其實店內仲有即製嘅拉腸粉，非常之新鮮熱辣，不過份量略少。佢嘅中式包點亦都係我最常食嘅早餐之一。價錢又係一樣：公道。而佢嘅中式包點，現場亦都有蒸熱嘅，你可以即買即食夠晒新鮮。不過依家啲
如果鍾意食中式點心糕點或者包類的朋友就岩，熱辣辣嘅點心源源不絕供應，不斷推陳出新，種類多又大件。佢比我嘅第一印象就係佢嘅點心$24有兩盒，價錢公道，選擇真係好多款式好多，等我揀兩盒都唔知要邊兩盒，不過其實佢都可以有$36三盒選擇，揀唔到㗎嘅朋友都可以揀多幾盒咖，價錢都係一樣。我自己就好鍾意食佢嘅茶果，有紅豆味啦又有鹹嘅眉豆味，兩種都好食。不過我鍾意嘅椰汁千層糕就比較細件，對比上的冇咁抵食。佢嘅腐皮卷、鯪魚肉釀茄子、韭菜餅、鹹水角同炸芋角等我都好鍾意食。早排仲出咗新鮮出爐嘅叉燒酥同埋奶黃酥，款式日漸繁多。
而其中中式煎炸嘅點心或糕點每份有四件咁多，買兩盒又平啲，每日都有唔同款式揀，其實店內仲有即製嘅拉腸粉，非常之新鮮熱辣，不過份量略少。
佢嘅中式包點亦都係我最常食嘅早餐之一。價錢又係一樣：公道。而佢嘅中式包點，現場亦都有蒸熱嘅，你可以即買即食夠晒新鮮。不過依家啲中式包點整嘅菜肉包就搵唔番以前細個食嘅口味，以前細個食嘅菜肉包係用白菜係深綠色嘅。而家市面上可以買到嘅菜肉包都已經變晒用椰菜了：（始終係覺得以前嘅菜肉包係最好食最傳統呢。一方面好欣賞佢嘅地方就係從星期一到星期日每日有指定嘅包做特價優惠，馬拉糕都有添。我自己都好鍾意食佢呢度啲馬拉糕，夠晒鬆軟又夠大件。如果唔係做嗰日優惠嘅包，而你都想買嘅話，就可以等到下晝三點鐘開始，就會有優惠價減價益街坊：就係$14有4個唔同款式嘅包任君選擇，吾係用單個原價價錢賣咖！真係令人買得開心。
佢仲有蒸飯添，有成四至五款，又係街坊好味大件夾抵食之選。時近初冬個時仲會再出多一款選擇就係臘腸粒糯米飯喇！！飯粒粒粒分明，軟硬適中，食一份都覺得未夠啊！因為係一個糯米狂迷！
不過呢間鋪頭有陣時質素唔係太穩定，可能有陣時轉左師傅等，因之前試過食佢 d包有啲味同餡唔同咗，同埋仲食到有紙皮。而馬拉糕有一次仲唔記得落糖添，變咗係咸嘅，怪怪的，係有啲失望！
馬拉糕
$10
105 瀏覽
0 讚好
0 留言
糯米卷
$14
77 瀏覽
0 讚好
0 留言
呢間鋪頭價錢公道吸引好多街坊，不過最令我擔心嘅就係環保嘅問題，其實每次買心都好痛，因為覺得自己係罪魁禍首之一，佢每日我諗都用唔知幾多千個發泡膠盒同埋幾多千一個膠袋。全部一盒盒包好哂，事實係好方便，方便到就係令人類的惰性都出晒黎，方便到都唔會作出求變。咁樣就唔係好得啦，我最希望佢改善嘅係呢一個地方，可以鼓勵下人帶自己袋自己盒，減一蚊優惠咁，你既可慳番好多發泡膠盒的錢，又可保護番環境，市民大眾齊齊受惠，一舉吾止兩得啦！
張貼
