小蓉麵家

營業中

休息中

今晚去左太子食晚餐！經過見到有間餐廳充滿中國古典風味，木枱木凳好有中國傳統特色。最近同朋友經常食西餐，好想食下中式野，於是去左食麵啦！入到去店員好好禮貌，介紹餐廳食物。我叫左雲吞墨丸麵，雲吞大大粒，皮薄，餡料夠哂豐富，每粒雲吞都有大大隻蝦肉架！墨丸好彈牙好鮮甜。湯底清甜唔會好濃好咸，麵質好有咬口。我叫左炸牛丸，見到牛丸就好想食，炸完多一份香口香脆口感，又唔會好肥膩，中間仲有肉汁添。依間餐廳夠驚喜！