泰和堂涼茶店

營業中

休息中

好耐無食過糖水，今晚老公約左朋友出去旺角食飯，之後專登走去買糖水返屋企，話俾我滋潤一下喎so sweet ~~ 問佢係邊間買，佢話係一間涼茶店買。呢間涼茶店除左有涼茶賣，仲有傳統嘅中式糖水。每到夜晚嘅時間，就會放係門口出面賣。腐竹薏米水 $21 (熱) - 成碗都有好多腐竹片，唔會煮到好似豆漿咁。腐竹好香滑，薏米亦好多。糖水甜度適中，唔會太甜。香芋西米露 $23 (熱) - 芋頭分量頗多， 而且夠粉夠淋。 西米飽滿而且晶瑩剔透，配搭淡淡嘅椰汁，好滑。