坤記粥店

營業中

休息中

夜mama喺附近食完飯，原本行去聰少，點知平日都有人龍，冇心機排隊，只好另覓其他糖水店。呢邊選擇唔多，又唔想行到去紅橋。於是來到坤記，好多住屯門嘅人，都認識，係傳統粥麵店。佢最好就係，營業時間夠夜，到凌晨都仲有野食又有粉麵、粥、中式糖水。我哋食完飯先過嚟，就冇點粥，直接點兩碗糖水。綠豆沙清涼解膩，點左凍嘅，溫度剛好，裡面有好多綠豆，仲有明顯海帶，甜度適中，幾好食芝麻糊好杰身嘅芝麻糊，聞落去都好香芝麻味，可惜食落去就唔係好明顯。唔夠香濃，質地就好厚身，而且順滑。不過價錢唔貴，我真係收貨。