松記糖水店 (已結業)

食完飯想食個糖水，銅鑼灣區有得食中式糖水嘅地方唔多，得聰嫂同松記，未試過松記所以去試下。阿張點餐👦🏻 $38 《芝麻合桃湯圓》評分（10分滿分）：7️⃣食評💬：阿張最近比較養生，飲水都會飲暖水，食糖水就緊係食熱嘅中式糖水啦，凍嘅糖水留返夏天先食～所以今次嗌咗合桃糊補一補，賣相可以，有太極嘅感覺。糖水芝麻味夠，但合桃味道唔夠重，糖水糊狀適中，唔會太水亦唔會太杰。湯圓餡無得選擇，只有芝麻餡，湯圓皮算係彈牙，如果有得揀花生湯圓會比較好食。價錢方面我覺得太貴，如果同深水埗間佳佳甜品比較的話，佳佳甜品係價錢、味道同環境都更勝一籌。松記糖水店 (銅鑼灣)📍銅鑼灣堅拿道西15號永德大廈地下G13號地舖