香港華商銀行公會 (裝修中)

嚟自「無飯家庭」嘅 #小秘書，其實有時都好想食吓啲 #中式小菜、飲啖湯，補一補。咁啱呢日有朋友打嚟搵伴食飯，仲話有好嘢介紹，#小秘書 當然𦧲飯應啦🤣原來佢係「香港華商銀行公會」會員，平時同班同事已經當咗呢度係佢哋嘅 #飯堂，皆因食物有平有貴、豐儉由人。朋友話第一次嚟一定要試吓佢哋個 #芫荽皮蛋龍骨湯🤩 經理仲搭咀話師傅用料好足，齋係龍骨都要成百蚊一斤🤤 飲落去又真係好鮮味，啖湯煲到奶白色咁，好想再添多一碗😋 之後朋友又叫咗個 #豬手煲、#脆皮雞、蒜子蘿蔔煮春菜👀 起初都擔心兩個人食唔哂㗎... 不過真係愈食愈有味囉！豬手經油泡過之後無哂啲肥膩感，甜甜地嘅醬油味道浸哂落啲 #豬手肉 同 #薯仔 上面，我哋都忍唔住叫咗碗 #白飯 嚟share🤩 #脆皮雞 肉質鮮嫩，配埋個 #蒜子蘿蔔煮春菜，剛好幫手清一清個味蕾。朋友最知我心，預先訂好 #芋蓉西米布甸 比我做甜品，味道唔太甜，又有淡淡嘅芋頭味道真係好窩心呀！