圓鐵板燒

營業中

休息中

星期六下午兩點入座，唔使等位。叫左$68牛肉片午餐，跟湯，油麥菜，蝦仁拼元貝，白飯。加左$5飲蜂蜜綠茶，最後加一$80。師傅炒野前會將一張錫紙擺係你前面既爐邊，啲野食炒完放上去，就一路keep住熱辣辣。牛肉片燒到咁上下，師傅就倒啲汁落去，個餐好似寫黑椒牛肉片，但食落有啲似沙嗲汁。油麥菜就用蒜黎炒香。蝦仁元貝反而係甜甜地，似蕃茄炒蝦既味道。本來以為係日式鐵板燒，但食落味道似中式小炒多啲。不過呢個價錢有咁多野食都幾抵。