新南苑雞煲小菜點心 (已結業)

上次在此間食店試過佢哋啲扒餐，感覺良好，味道價錢對得住顧客有餘，所以在6月26日揾食肥華專誠同靚媽再到此食店，試埋佢嘅中式食品水準如何，特登在早茶及午飯時間光顧此店，諗住試食佢嘅點心同埋小菜套餐，入到此店坐底開茶時發覺此店提供茗茶嘅茶葉係非一般酒楼茶葉，有幾款特色茶葉裨顧客選擇，所以肥就飲桂花烏龍茶，靚媽就飲玄米喬麥茶，兩者都算好飲，點心要咗五款，除咗個碟牛肉腸得微温嘅熱度外，其他四款連埋個生炒排骨中式午飯套餐嘅湯和飯都係熱辣辣上枱奉客，而且味道甚佳，價錢又係街坊價，難怪當日此店在呢個時段，保持有九成入座率👍👍👍