好麵棧 (已結業)

早排喺朗屏站出嚟經過見到呢間新開嘅車仔麵店已經好想食，今日決定去試一試。入到嚟第一個感覺就係好乾淨、整潔，燈火通明。 再望吓個餐牌，選擇很多，又任選車仔麵，有車仔麵套餐，有太陽蛋大碗飯系列，仲有撈丁等。最近元朗都冇乜高質嘅芝士撈丁食，見呢度有幾平，就決定試一試。巨大大炸雞扒撈丁，好令人驚喜。塊炸雞扒肥厚得來好嫩滑，廚師控制火候控制得好好，而且雞扒皮仲要煎到脆身，配有少少胡椒味，食落好惹味。而芝士底份量好足，所以帶到好香濃嘅味出嚟。沙嗲牛柏葉，好大碟，而牛柏葉好靚，望落唔會太白咁化學，食落爽口唔洗講，配襯埋沙嗲醬好match，食完一碟都未夠，好想encore。