樓下冰室 (已結業)

放工人士返屋企前想先食埋飯，呢度嘅上菜速度同味道都恰到好處。每次嚟都必定叫蕃茄湯通粉配牛乳滑蛋，再揀配菜。佢有幾款湯底，蛋都可以轉芝士，但始終蕃茄湯滑蛋最合口味。今次配菜叫瑞士汁雞翼，望menu已經見到係全翼，但上檯嘅時候都俾佢嘅份量wow了一下，係好厚肉好大隻嘅「一對」雞翼。瑞士汁非常香濃，不是死甜，醬汁都滷晒入肉好入味。我係對拆骨有略略抗拒嘅人，但都食得好滋味，會好樂意再食嘅程度。蕃茄湯偏濃、有茄肉、但不杰，略甜但鮮蕃茄平衡到，配通粉就perfect。滑蛋有明顯奶香，但質感偏散，加上半熟狀態好易融入咗湯底入面，個人口味吧，可能有人會幾中意，但我會期望成形一點嘅蛋。整體而言都係夾嘅，是另類嘅all day breakfast吧！蕃茄湯通粉配牛乳滑蛋賣相：⭐️⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️瑞士汁雞翼賣相：⭐️⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️瑞士汁仲有得配雞髀，其實真係幾抵食🫶🏽