天下第一腩 (已結業)

一心去食燒味，不過星期日超多人。肚餓之下，入咗呢度。叫得『天下第一』總應該有啲料到o卦！原來星期日冇套餐，價錢馬上暴升，價格比下降。可能呢日好多外賣，阿姐都冇乜理我地，唯有自己慢慢揀。最終揀咗咖喱筋腩麵同牛肚牛筋麵。咖喱腩用個細膠兜另上，好似剛剛‘叮’番熱咁。咖喱味幾濃而唔辣，算唔錯。筋多腩少，味道一般；麵o既份量好少，亦唔出色。牛肚牛筋麵又係好細碗，味道又係一般，唔值！如果之前睇過呢度啲食評，可能直頭唔入去。樂富都有唔少其他選擇，諗唔到再嚟o既理由。服務唔可以叫差，因為係冇服務至真！