中村藤吉 (已結業)

總於係「中村藤吉」尖沙咀開店一段時間之後嚟到幫襯，心裡期待已久，果然有驚喜，一句講晒「好掂」。先嚟一個「腐皮抹茶烏冬定食」，真係好好食。抹茶烏冬爽口，湯底夠熱又清甜，大蔥帶出芳香，腐皮則係較甜嗰種，整體上即所謂咸中帶甜嘅配搭。另外飯也非常特別，有淡淡嘅甜味。定食還配上甜品「綠茶啫喱+紅豆+丸子」，啫喱好有咬口，好濃嘅綠茶味，丸子也非常煙韌，紅豆甜度可以。另外試了「京之精選」甜品：有兩款茶味嘅蛋糕配搭，蛋糕鬆到軟棉棉，口感一流，綠茶雪糕非常出色，平時食嘅綠茶雪糕通常奶味蓋過綠茶味，但係「中村藤吉」嘅綠茶雪糕重點係綠茶味，非常濃郁，好得。