Mezze (已結業)

收工落雨，突發奇想中東係咪冇落雨，所以好想去試下中東菜，係咪真係會唔同啲，網上搜尋，發現係尖沙咀鬧市中有間中東菜館上到去坐喺窗邊嘅餐臺上，望向窗外街上滴滴細雨，心情寧静。 由於係新餐廳，所以未有好多人知道。環境都幾優雅我哋Order咗佢哋嘅招牌菜: Hot & Cold Mezze，裏邊包含咗有羊肉雞肉、中東特色菜鷹嘴豆餅以及中東薄餅，還有沙律，有六種不同嘅醬汁伴碟，店員同我哋講，鷹嘴豆餅係中東好普遍嘅菜色，幾乎每一間中東菜館都有做，各有特色。呢個鷹嘴豆餅外黑內錄，外皮脆內豆餡嫩滑，味道好特別好香脆，好好食。盤中唔同嘅食物搭配六種唔同嘅醬汁，一次過食足六種味道。 另外還點咗一個Aralian Lamb w/ okra Stew 係一個焗羊腿飯，裏邊有秋葵同埋好特別嘅香料，味道濃郁，與中菜嘅炆羊腩好接近，非常適合香港人嘅口味。 之前對中東菜冇咩認識，以為味道強烈，怕唔習慣，食過呢餐之後就有咗好大改觀，相信好多香港人都會喜歡。值得推薦。