燒烤堂

營業中

休息中

餐廳非常旺場，上次我哋星期五晚上七點過到嚟，已full booking。今次醒咗，有訂位😁室內播住流行曲，好有氣氛！香草蒜蓉包外皮金黄酥脆，均匀灑着香草和蒜蓉碎，內裏麵包柔軟，真係會忍唔住食多兩件。豚肉節瓜波板糖（附月見） 外皮有韌性，節瓜口感清爽脆嫩，充滿香甜味道。焦糖青蘋果鵝肝多士，表面灑着一層黑醋汁，鵝肝外脆內軟，入口即化，極其細膩，青蘋果片可以解油膩感，很高質哦。鹽燒豚肉荔枝卷入口比我想像中更加清新，豚肉片捲起大大粒荔枝，口感軟糯甜潤。餐單list好豐富，款式好多，我哋仲揀咗蜜糖燒菠蘿、孜然燒蒜蓉茄子、椒鹽燒多春魚（4條）、鹽燒豬肋肉（稀有部位）、七味汁燒豬大腸、手切新鮮牛胸爽、中切鹽燒牛舌芯、韓式燒惹味牛肋肉、鹽燒和牛牛小排、鹽燒雞中翼、鹽燒原塊雞皮和一杯青檸菠蘿梳打。