影片
更多
2022-11-25
866 瀏覽
位於中環半山伊利近街嘅「Uncle Pizza, Pasta & Grill」一直喺我想食清單嘅之中，因為佢經常出現喺訂台App之中，指定時間入座有折扣優惠🈹。星期日難得早起到身，就行過去食個Early Lunch，果然我哋係第一枱客🤣，不過之後陸續有人嚟。餐廳面積唔大，一眼睇返，裝修骨子，紅色梳化同四色格仔嘅椅子好襯餐廳嘅格調。餐牌只有英文版本，臚列出各類西餐菜式🇮🇹，包括前菜沙律、薄餅、湯、意粉、飯、燒烤肉扒同甜品等。週末無得嗌套餐，大部份單點價為百中水平，扒就貴啲。Bucatini with Crab-meat & Green Asparagus, Vegetable Broth($158)，正正因為唔知Bucatini係乜，所以就嗌嚟試吓，老闆介紹佢係小朋友食嘅粉🤣，其實係通心嘅意粉。麵條偏粗身，口感富嚼勁，由於係空心，所以不經意地會啜到啲湯。🍅蕃茄菜湯味道清澈，🦀混入蟹肉加添鮮味，另外仲有蘆筍同蒜片，成個組合幾夾。Uncle Cowboy l B.B.Q LOVER Pizza($158/8 inch)，🍕呢款薄餅比一般辣肉腸口味更豐富，因為有多於一款醃肉或香腸，再加埋燒烤醬
位於中環半山伊利近街嘅「Uncle Pizza, Pasta & Grill」一直喺我想食清單嘅之中，因為佢經常出現喺訂台App之中，指定時間入座有折扣優惠🈹。
星期日難得早起到身，就行過去食個Early Lunch，果然我哋係第一枱客🤣，不過之後陸續有人嚟。餐廳面積唔大，一眼睇返，裝修骨子，紅色梳化同四色格仔嘅椅子好襯餐廳嘅格調。
餐牌只有英文版本，臚列出各類西餐菜式🇮🇹，包括前菜沙律、薄餅、湯、意粉、飯、燒烤肉扒同甜品等。週末無得嗌套餐，大部份單點價為百中水平，扒就貴啲。
Bucatini with Crab-meat & Green Asparagus, Vegetable Broth
$158
15 瀏覽
0 讚好
0 留言
Bucatini with Crab-meat & Green Asparagus, Vegetable Broth($158)，正正因為唔知Bucatini係乜，所以就嗌嚟試吓，老闆介紹佢係小朋友食嘅粉🤣，其實係通心嘅意粉。麵條偏粗身，口感富嚼勁，由於係空心，所以不經意地會啜到啲湯。🍅蕃茄菜湯味道清澈，🦀混入蟹肉加添鮮味，另外仲有蘆筍同蒜片，成個組合幾夾。
B.B.Q LOVER Pizza
$158
6 瀏覽
0 讚好
0 留言
Uncle Cowboy l B.B.Q LOVER Pizza($158/8 inch)，🍕呢款薄餅比一般辣肉腸口味更豐富，因為有多於一款醃肉或香腸，再加埋燒烤醬同拉絲芝士🧀，食落鹹香味濃。同時，🌶️墨西哥辣椒好搶鏡，佢辣度唔講得笑，要小心唔好咬到辣椒籽。薄餅分到六塊，厚薄適中，熱辣辣焗出嚟，口感鬆軟，就連薄餅邊都一樣好食。
Home-made Lemon Tart($58)，本身想嗌香蕉撻，但老闆話轉咗做檸檬撻🍋，反正我都有興趣。檸檬撻係餐廳自家製作，佢層餡幾特別，質感偏黏，呈透明狀，無乜酸味，易入口。
總括嚟講，呢間意大利小餐館嘅出品感覺幾正宗🍽，無論Pasta定Pizza都好味道，簡簡單單唔花巧，唯一比較意外就係呢度居然冇提拉米蘇食。有機會都想再次到訪，試吓其他菜式！
張貼
