金禾

營業中

休息中

今日去完PMQ, 個街好熱，仲要周圍搵嘢食，終於比我搵到呢間金禾。喺中環好難可以搵到有車仔麵食，今日俾我搵到😃車仔麵餸都有好多選擇，老闆娘提我要4餸最抵。真係好熱，忍唔住叫咗杯無糖可樂，老板娘特別俾咗好多冰等我降温😅好難得車仔麵可以揀瀨粉，另外我叫咗豬扒、墨魚丸、牛肚和煎蛋。我想講每一個餸都好好味，同埋份量真係好夠，食到好飽。不過都有美中不足嘅地方，喺疫情之下，有機會要同其他人搭枱，無板隔開，所以介意嘅話就要早啲搵位，睇吓有冇細枱。