大吉居酒屋 (已結業)

今日放咗工去咗中環搵個朋友，佢就推介食大吉，佢話之前係食放題嘅，但係依家轉型做咗居酒屋，咁就一於去試吓啦。我地七點幾上到去，人唔算多，環境清靜好舒服，最啱同朋友傾計。前菜我地叫咗個油甘魚沙律，油甘魚好新鮮，好開胃，值得一試。主菜叫店員推介嘅大蝦天婦羅，果然真係冇介紹錯，咬落去蝦肉炸完都好彈牙，隻蝦又好大隻，真係好好味。然後叫了一份花魚一夜干，一上枱見到條魚係好大條，食落魚唔多骨好多肉，點埋醬汁兩者好夾。最後叫一份軟殼蟹牛油果卷，味道不錯，值得一試，附上由店舖自家製薑片，令整道菜唔會有飽滯感覺。值得一提店員態度好好，會同我地介紹食材同會問我地食物質素如何，真係好有親切感。最驚喜嘅就係，原來有依家去到11月30日，晚上六時起，全單會六折。即話今次我地叫咗4道菜，埋單時都只係三百幾，真係物超所值。