餃掂手工餃子雲吞專門店

星期日約左朋友係中環食飯, 因為啱啱做完運動, 所以係附近搵左間餐廳食野。餐廳主打手工餃子, 有多款餃子選擇, 我哋揀左至尊松茸煎餃, 餃子煎得好香脆, 即叫即煎, 松茸味突出, 咬落去好多汁, 配合松露醬食更香濃。煎餃跟上狀元九鼎湯, 用粉葛, 鯪魚, 紅蘿蔔等熬製, 飲落好清甜。除左煎餃, 我哋也叫左雲吞面, 蝦肉彈牙, 配合自家製菜鋪豆鼓醬, 味道更好。飲品方面叫左自家製山楂雪梨水, 清甜解渴。檸檬薏米水去濕清熱, 啱晒夏天消暑飲。