影片
更多
2024-03-17
1316 瀏覽
💁♀️💁♂️ 25/01/2024(Wed), Dinner🍽今晚💁♀️為食妙妙去到💁A先生公司附近，等埋A先生放工後再食埋飯先返屋企，我哋呢晚都唔係太肚餓，於是就揀咗橫巷入面嘅麥奀記（忠記）食碗麵🍜先返屋企。麵家無特別嘅裝飾，就保留住多年前雲吞麵店嘅簡約撲實嘅裝飾。入門口左手面先見到煮麵嘅地方，師傅一碗一碗咁煮麵。室內嘅空氣都瀰漫住大地魚湯底嘅味道。而今晚我地order咗：🔆 炸醬撈麵（$66）難得嚟到傳統嘅麵家，一定要試試炸醬撈麵先。橙黃色嘅炸醬正正就係回憶中當年嘅雲吞麵店嘅炸醬，入口帶甜甜哋嘅味道，幼麵煮得彈牙好食又無鹼水味。跟撈麵嘅一碗上湯入口有大地魚同蝦子嘅清香，再加埋少少韭黃，A先生照樣飲晒無浪費。雖然價錢比起其他麵店略貴一點，始終呢種口味嘅港式炸醬麵已經唔係咁易搵到，絕對值得一試。🔆 牛腩撈麵（$77）柱侯牛腩炆得入味鬆化，咬落唔會黐牙，份量都唔少。濃而不鹹嘅醬汁撈埋彈牙嘅幼麵，一樣好快俾為食妙妙清碟。🔆 淨雲吞（細）（$44）嚟到無理由唔食雲吞吖？！當然要叫返一碗我哋二人分享。雲吞係正宗散尾雲吞，細細隻入口一啖一隻剛好，滑滑嘅雲吞皮內包住一隻大小適中嘅蝦，鮮味彈牙，入口
💁♀️💁♂️ 25/01/2024(Wed), Dinner🍽
今晚💁♀️為食妙妙去到💁A先生公司附近，等埋A先生放工後再食埋飯先返屋企，我哋呢晚都唔係太肚餓，於是就揀咗橫巷入面嘅麥奀記（忠記）食碗麵🍜先返屋企。
麵家無特別嘅裝飾，就保留住多年前雲吞麵店嘅簡約撲實嘅裝飾。入門口左手面先見到煮麵嘅地方，師傅一碗一碗咁煮麵。室內嘅空氣都瀰漫住大地魚湯底嘅味道。
而今晚我地order咗：
🔆 炸醬撈麵（$66）
難得嚟到傳統嘅麵家，一定要試試炸醬撈麵先。橙黃色嘅炸醬正正就係回憶中當年嘅雲吞麵店嘅炸醬，入口帶甜甜哋嘅味道，幼麵煮得彈牙好食又無鹼水味。跟撈麵嘅一碗上湯入口有大地魚同蝦子嘅清香，再加埋少少韭黃，A先生照樣飲晒無浪費。雖然價錢比起其他麵店略貴一點，始終呢種口味嘅港式炸醬麵已經唔係咁易搵到，絕對值得一試。
🔆 牛腩撈麵（$77）
柱侯牛腩炆得入味鬆化，咬落唔會黐牙，份量都唔少。濃而不鹹嘅醬汁撈埋彈牙嘅幼麵，一樣好快俾為食妙妙清碟。
🔆 淨雲吞（細）（$44）
嚟到無理由唔食雲吞吖？！當然要叫返一碗我哋二人分享。雲吞係正宗散尾雲吞，細細隻入口一啖一隻剛好，滑滑嘅雲吞皮內包住一隻大小適中嘅蝦，鮮味彈牙，入口無多餘嘅調味，係傳統雲吞嘅表表者。
🔆 菜心（腩汁）（$26）
正正常常，翠綠嘅菜心配我哋要求嘅腩汁。相比蠔油，如果有得轉A先生都係會轉腩汁，無乜特別原因，純粹個人喜好。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：8/🔟
❤🙆♀️(為食妙妙)整體食評：8/🔟
👉🏻 中環橫街內嘅傳統雲吞麵家，傳統嘅麵食配樸實無華嘅裝飾
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車方面可能要考慮中環中心🅿️或者林士街停車場🅿️
👉🏻 上環站行過嚟都係十分鐘左右路程，亦可選擇電車或者巴士，交通尚算方便
🔆🔆🔆🔆🔆🔆🔆🔆🔆🔆🔆🔆🔆
張貼
