影片
更多
2024-08-25
111 瀏覽
今日行完大館落石板街，見到依間貓員外酒館，比個名吸引咗，裡面仲有好多可愛嘅貓咪公仔同主題，啱晒我依個貓奴，冇理由唔坐低飲返幾杯啦😻依度有成十款唔同風味嘅手工啤酒，仲有幾款梳打水同Tonic, 手工啤係不經過濾，保留活性酵母精釀而成，品質媲美draft craft beer咁，買6罐或者24罐仲做緊額外優惠，超抵飲，我哋都叫咗6罐，另外要咗啲小食chill吓😍因應自己嘅口味，可以喺Fruity, Dark, Light, Hoppy嘅組別揀唔同味道嘅手工啤。揀好啤酒之後，店員會喺雪櫃擰隻冰凍酒杯，然後幫客人倒落杯，真係未飲先爽，服務好好仲好有儀式感😍我哋首先揀咗Light嘅組合：Jasmine Wheat 花魁，淡淡茉莉花香，口感溫和。Osmanthus Wheat 桂花小麥有我最愛嘅桂花香味，口感清爽順滑，依款啤酒仲喺2024年澳洲國際啤酒大賽(AIBA)拎左銅牌🥉，果然冇揀錯呀😍飲到有少少醉意就轉咗Fruity嘅組合😂3款嘅國際苦度值 (International Bitterness Unit, IBU)都只係3，啤酒嘅苦味來自於啤酒花，而啤酒花亦係令啤酒擁有豐富香氣嘅來源。聽講人
今日行完大館落石板街，見到依間貓員外酒館，比個名吸引咗，裡面仲有好多可愛嘅貓咪公仔同主題，啱晒我依個貓奴，冇理由唔坐低飲返幾杯啦😻依度有成十款唔同風味嘅手工啤酒，仲有幾款梳打水同Tonic, 手工啤係不經過濾，保留活性酵母精釀而成，品質媲美draft craft beer咁，買6罐或者24罐仲做緊額外優惠，超抵飲，我哋都叫咗6罐，另外要咗啲小食chill吓😍因應自己嘅口味，可以喺Fruity, Dark, Light, Hoppy嘅組別揀唔同味道嘅手工啤。揀好啤酒之後，店員會喺雪櫃擰隻冰凍酒杯，然後幫客人倒落杯，真係未飲先爽，服務好好仲好有儀式感😍
我哋首先揀咗Light嘅組合：
Jasmine Wheat 花魁，淡淡茉莉花香，口感溫和。
Osmanthus Wheat 桂花小麥
有我最愛嘅桂花香味，口感清爽順滑，依款啤酒仲喺2024年澳洲國際啤酒大賽(AIBA)拎左銅牌🥉，果然冇揀錯呀😍
飲到有少少醉意就轉咗Fruity嘅組合😂3款嘅國際苦度值 (International Bitterness Unit, IBU)都只係3，啤酒嘅苦味來自於啤酒花，而啤酒花亦係令啤酒擁有豐富香氣嘅來源。聽講人嘅舌頭可以感受到嘅苦味大約由 12 IBU 計起，而 6 IBU 以下人類係分辨唔到苦味嘅程度😅
Peach Wheat 桃寶🍑
飲落有清香嘅桃味🍑，甜甜哋好易入口，啱晒唔識飲酒或唔係好飲得嘅朋友，由於太好飲，我哋都encore咗多一罐😂
Grape Gose 葡萄熟了🍇
一打開已經聞到好香濃嘅葡萄味🍇，口感順滑，層次豐富，都係好易入口，啱晒唔識飲酒或唔係好飲得嘅朋友，依款啤酒亦都喺2024年澳洲國際啤酒大賽(AIBA)拎左銅牌🥉，果然冇揀錯呀😍
Berliner Weisse 柏林召喚
店員介紹依款會比較重酸味，口感細緻，味道清新，依款啤酒亦都喺2024年澳洲國際啤酒大賽(AIBA)拎左銀牌🥈，真係冇介紹錯呀😍
小食方面，我哋揀咗雜錦醃漬橄欖同埋冷切火腿拼盤，前者係綠色意大利橄欖拼紅橄欖，好甘香清新；火腿拼盤有兩款火腿，油脂重加埋鹹香味，兩款小食加埋冰凍嘅啤酒，簡直係絕配，加上坐喺門口望住遊人如鯽嘅石板街，有打卡嘅遊客，有匆忙嘅上班族。手中擰住啤酒，同啱傾嘅人一齊歎，份外寫意，酒不醉人人自醉🥰 我哋仲叫咗路過嘅人一齊入嚟飲返杯，好開心，快樂就係咁簡單🙂
評分：最高為5分
治癒度：👩⚕️👩⚕️👩⚕️👩⚕️👩⚕️
抵食度：💉💉💉💉💉
翻兜指數：🩺🩺🩺🩺🩺
貓員外精釀酒館 (華興大廈)
中環砵典乍街33-35華興大廈地下33號舖
📍香港港鐵站C出口6分鐘路程
張貼
