一點心 (擺花街)

營業中

休息中

星期五放工後想慰勞下自己，叫咗米芝蓮一點心嘅外賣，煲住劇慢慢享受。未食之前先講講佢嘅外賣包裝，美觀大方，而且唔係一般膠袋，厚身嘅質地同反光嘅內籠保暖效果一流。首先梗係食佢哋嘅招牌蟹皇蒸燒賣，燒賣嘅外皮夠薄，餡肉好實淨，每一啖都食到豬肉鮮味，份量剛好，滿足得嚟唔會覺得膩。薄皮鮮蝦餃，蝦餃大大粒，筷子都爭啲夾唔到，餃皮晶瑩剔透，蝦肉鮮甜彈牙，每一啖都好滿足。咖喱土魷咖喱味香濃但唔辣，土魷切得夠厚，口感彈牙，而且好入味，每一啖都充滿咖喱香氣。而且份量都幾多，唔會覺得唔夠喉。鮮蝦腐皮卷，腐皮夠脆，入面嘅蝦肉保持鮮甜，整體口感非常好。由紙袋可以見到佢唔算好油，冇咁大罪惡感。食咗咁多點心，乖乖哋叫個菜乾鹹骨粥先～粥底幼滑，材料豐富，甘甜嘅菜乾同鹹骨嘅味道融合得非常好，帶出多重層次。