Shahrazad Lebanese Dining Lounge & Bar

是日同家人去完大館參觀後，決定喺附近搵間靚餐廳歎個午飯，最後去咗位於大館附近嘅黎巴嫩餐廳🍴餐廳裝潢以藍色為主調，充滿阿拉伯異國風情，牆上以阿拉伯特色圖案點綴，相當有格調，就連洗手間嘅設計亦令人眼前一亮，牆上的畫作豔麗奪目，叫人忍不住駐足欣賞～餐廳更有面向大館嘅半露天座位，如果夜晚嚟，我一定會坐喺出面望住靚景食飯！Set Lunch附有餐湯、前菜同甜品，份量十足，我哋都食到撐住肚子離場。餐湯係蘑菇湯，味道非常濃郁。Hummus Beiruti 以芝麻醬、檸檬汁、蒜蓉同番茄調味嘅鷹嘴豆蓉，口感非常順滑creamy，就咁食都已經好好味，配上彼得包一同食用，就更別有一番風味。口感如英式鬆餅的彼得包有個口袋，就咁食比較乾身，但將醬放入去之後就會美味得多～Sambousek Spinach 呢款中東菠菜餡餅形似咖喱角，皮看似厚身但食落酥脆而軟糯，餡料有多汁嘅菠菜同紅石榴粒等，味道酸酸甜甜，十分開胃。Chicken Ouzi （$188）我揀咗烤雞配煙燻阿拉伯米飯，賣相非常誘人😍長條形嘅米飯面頭灑上杏仁脆片增加口感，隨碟還附上乳酪醬，令雞肉味道更上一層樓。Mashawy （$278）呢碟阿拉伯式烤羊