金鶴拉麵 (荷李活道) (已結業)

中環足料濃郁湯底拉麵店🤍-👀沒有立場資訊-🐓極濃雞白湯拉麵 ($138)呢間拉麵最出名嘅就係佢哋嘅雞白湯拉麵，首先湯底真係超級creamy，而且啲麵都好掛湯，食落有好濃嘅雞湯味🫶🏻店員亦都有提醒我哋要趁熱食新鮮嘅炸牛蒡，牛蒡口感酥脆之餘味道清甜😚拉麵亦都軟硬適中，份量亦都幾多，配上豐富嘅配菜，包括爽口嘅荀、木耳同埋香蔥，口感同味道都好豐富🥰另外有兩塊雞肉叉燒同埋一塊豚肉叉燒，雞肉叉燒嘅味道好有驚喜，入口滑嫩之餘充滿雞肉香味😋佢哋嘅糖心蛋亦都熟度適中，調味啱啱好，整體嚟講幾值得一試🤩🦀北海道蟹湯拉麵 ($138)蟹肉嘅份量超級多，每一啖面都可以食到蟹肉🤩蟹湯充滿鮮味，一樣都係好濃郁，拉麵一樣夠晒掛湯😍其他配菜基本上同雞白湯拉麵一樣，不過就冇雞肉叉燒，豚肉叉燒一樣幾香口，不過個人會比較鍾意雞肉叉燒🥹鍾意食湯底鮮啲嘅朋友都可以試吓！餐廳除咗喺中環喺其他地方都有分店，小編之前都食過其他分店嘅外賣，一樣都係咁好食😍見到佢哋仲有期間限定嘅牛骨湯拉麵，小編決定下次都要去試吓🤩餐廳嘅裝修簡潔典雅，店員服務態度好好，座位舒適，值得一試~味道 8.5/10服務 9/10環境 9/10回頭率8.5/10總評