Espuma (M88)

營業中

休息中

餐廳位於中要M88，可以望住靚景慢慢嘆精緻既西班牙菜前菜🦀大閘蟹粉丹麥多士蟹粉真係好鮮甜，配埋香脆嘅多士，口感一流🦪酥皮焗澳洲翡翠鮑魚鮑魚彈牙又鮮甜，酥皮食到有陣陣既牛油香，加上海鮮蛋黃醬，真係啖啖都係精華。🥣餐湯嘅龍蝦濃湯，雖然要加錢，但絕對值回票價！每一啖都飲到濃郁嘅龍蝦味，真係好滿足。主菜🐽鮮雞肉湯燉煮西班牙黑毛豬及栗子個湯底好清甜，豬似亦都夠腍，栗子又香甜，加埋上面既血腸，成個組合非常夾🥩炭燒南非和牛牛針扒如果鍾意食牛嘅朋友，可以考慮加錢升級，牛針扒係腹部牛腩肉尾端既橢圓形扁平肉排，肉質精瘦、但食落唔會韌，而且肉味濃郁🧇甜品特色朱古力蛋糕都幾特別，但個人覺得招牌鮮雜果麻糬窩夫配雪糕更吸引，窩夫外脆內軟，配埋雪糕同埋新鮮水果，真係甜到入心。