影片
更多
2023-05-08
24 瀏覽
你地享受與美食獨處的時間嗎？我有時候會自己去食 d 勁想食嘅嘢，一路內心尖叫好好味啊～ 一路放空下自己 😌 最近有點掛住喺日本生活嘅時光，於是就搵左間喺中環嘅 omakase～ 好好地黎一次 quality me time 🥰前菜有紅酒蕃茄同蟹膏豆腐，蕃茄一入口就充滿紅酒香，但唔會嗆口，紅酒味配上清甜嘅蕃茄，好開胃 💕 豆腐蟹膏味好濃，但又唔會鹹～ 忍唔住好快食曬 🙈跟住係岩手縣嘅赤崎蠔 🦪 大大隻勁肥美 🤤 雖然好想一啖食曬佢，但因為都有 d 份量，分左幾啖食，甜甜地又有海水味，口感比較爽，食完勁想 encore 😍刺身一共有四款，赤貝爽口，牡丹蝦口感屬於厚身，超級超級甜，入口完全比蝦嘅甜味攻佔左 🤤 然後到魚類，白身嘅魚口感軟軟的，有淡淡的魚香，另一款係鰆魚，皮嘅部分微微燒過，好香口～ 跟住到壽司 🍣 首先係上面有竹炭鹽嘅北海道帆立貝，竹炭鹽嘅鹹味帶出左帆立貝嘅甜味 😋 然後係金目鯛，上面係炸過嘅金目鯛魚鱗，食落脆脆地又有魚香，幾特別 😆 深海池魚香味滿滿，可能因為我本身比較鍾意食池魚，佢入口魚油魚香爆曬出黎勁正 🤤 紫蘇拖羅，估唔到紫蘇同拖羅都幾夾，拖羅質素唔錯 👍🏻 火炙吞拿魚
前菜有紅酒蕃茄同蟹膏豆腐，蕃茄一入口就充滿紅酒香，但唔會嗆口，紅酒味配上清甜嘅蕃茄，好開胃 💕 豆腐蟹膏味好濃，但又唔會鹹～ 忍唔住好快食曬 🙈
跟住係岩手縣嘅赤崎蠔 🦪 大大隻勁肥美 🤤 雖然好想一啖食曬佢，但因為都有 d 份量，分左幾啖食，甜甜地又有海水味，口感比較爽，食完勁想 encore 😍
刺身一共有四款，赤貝爽口，牡丹蝦口感屬於厚身，超級超級甜，入口完全比蝦嘅甜味攻佔左 🤤 然後到魚類，白身嘅魚口感軟軟的，有淡淡的魚香，另一款係鰆魚，皮嘅部分微微燒過，好香口～
跟住到壽司 🍣 首先係上面有竹炭鹽嘅北海道帆立貝，竹炭鹽嘅鹹味帶出左帆立貝嘅甜味 😋 然後係金目鯛，上面係炸過嘅金目鯛魚鱗，食落脆脆地又有魚香，幾特別 😆 深海池魚香味滿滿，可能因為我本身比較鍾意食池魚，佢入口魚油魚香爆曬出黎勁正 🤤 紫蘇拖羅，估唔到紫蘇同拖羅都幾夾，拖羅質素唔錯 👍🏻 火炙吞拿魚面頰，呢個真係好特別平時好少機會食 😍 鹹鹹香香，好多魚油但口感偏爽，同吞拿魚其他部位好唔同！最後係海膽 🤤 睇住師傅一羹一羹海膽放落去 😍 仲提我記得拎穩 🙈 d 海膽真係好甜好甜，超級滿足 😍
之後就黎到熱辣辣嘅串燒，比較特別嘅係雞腳筋同埋雞掌芯，兩者都係軟骨類嘅口感，燒到剛剛好再配上 d 椒鹽，個邊少少脆，好惹味 🤤 然後係雞髀菇同秋葵，兩樣都係燒到剛剛好，好少嘅調味已經食到食材嘅鮮味 👍🏻 之後係雞皮蝦卷，燒過嘅雞皮一 d 都唔油膩，反而脆脆地好香雞味，配埋彈牙蝦肉好正 😍 牛小排就唔會燒得太老，完全食到牛香味，又 juicy 😋
之後黎一碗熱辣辣嘅麵豉湯，碗湯勁足料，有腐皮、海帶同埋蘿蔔，味道唔會太鹹，重點係夠晒熱 😍 作為尾聲飲落去個胃非常舒服 😌
甜品係水信，一個全素嘅海藻甜品，味道清清甜甜，配上黃豆粉，賣相又靚又好味 💕
呢個廚師發辦個 menu 幾唔錯，有冷盤類嘅魚生壽司又有熱辣辣嘅串燒，唔會對腸胃有好大負擔 👍🏻 同時亦做到有魚有蔬菜有肉類，品種豐富，就算係男孩子都唔會怕唔夠飽 😌
位於 26 樓嘅餐廳，望出去雖然係中環嘅燈光，不過又唔會好有壓迫感，反而景觀開陽，好有格調，配合埋有心思嘅裝飾（我最欣賞個天花啲燈 💕），好有去左日本小酎嘅感覺 🥰
P.S. 發現佢地個酸薑係有少少柚子的，好 fresh 好解膩，果然連細節都有心思 💕
張貼
