一緒一番酒場

營業中

休息中

中環lunch食咩好，相信唔少中環返工嘅朋友都會有喺返工時間好頭痛唔知食咩好，今次小編就去咗中環一間嘅日本餐廳食咗個lunch set，雖然係lunch set，但係餐廳用料都相當高質，今次就叫咗佢哋嘅特選刺身拼盤定食，lunch set當中都會包括有前菜、麵湯、茶碗蒸，相當豐富😜前菜：就係是日沙律，沙律菜新鮮，再配上胡芝麻醬，感覺好Fresh好清新茶碗蒸：整得好滑身，而且裏面有秋葵同埋冬菇，加埋一齊蒸感覺好健康重點就係，刺身拼盤裏面有赤海蝦，真鯛魚，中拖羅，銀鱈魚，深海池魚，赤貝配壽司飯，刺身相當新鮮，而且即叫即切，師傅會喺你面前切刺身，感覺好似omakase咁，真鯛魚配上紫菜+柚子醋，赤海蝦好鮮甜，小編極力推介佢哋嘅銀鱈魚，師傅會喺你面前用火槍燒下去，燒咗銀鱈魚仲更加充滿油脂香，正！另外小編最鍾意嘅就係中拖羅，充滿油脂香嘅拖羅，拖羅控嘅朋友一定要試😙，赤貝配上檸檬片，感覺就好清新，仲帶出咗赤見嘅鮮味整體嚟講，如果lunch時間可以食到咁豐富美味嘅午餐，仲會更加提升工作嘅效率，餐廳主要係吧枱為主，如果lunch有興趣嘅朋友一定要早啲book枱，好容易就full 😊