Chez Shibata (已結業)

中環一向都高級美食的集中地，想品嚐好味道的蛋糕，呢間甜品店絕對係好推介。選擇左3款甜品，分別係小紅帽櫻桃酒朱古力蛋糕、栗子蛋白霜脆餅、野莓心形蛋糕，外型夠晒搶眼吸引，享受之前影相呃like就最啱。而味道方面，小紅帽非常適合愛酒之人，因為中間的酒心味酒味唔會太濃，但又會增添蛋糕的味道層次，再加上朱古力味道的外層，人人都會中意食。而厚厚的栗子蓉，入口軟滑，栗子味道豐厚，中間仲有甜味適中的蛋白，亦都係另一件吸引的甜品。而野莓心形蛋糕，混合多款唔同野莓，酸甜清新口味最適合夏天食，亦都推薦呢一款。