影片
更多
2016-08-13
266 瀏覽
今日經過中環，就係為左一嘗Zenon Cafe 極高評價既 Famous All Day Breakfast，再嘆下佢地既人氣精品咖啡。第一次踏入呢間甘有個性、情調休閑既 Cafe ，心情自然大好。係熱辣辣同人來人往嘅威靈頓街，踏入氣氛截然不同嘅 Zenon Cafe , 當堂生活上既壓力同負能量都煙消雲散，我諗呢個就係室內設計師嘅功力所在。中環能有此綠洲能充充電、洗滌心靈，實在福氣。睇均成條威靈頓街 ，呢間Zenon 餐廳嘅人氣最旺，幾乎滿座。呢度嘅客人各有形態，有外國人、有情侶、有成班熱熱鬧鬧既、都有一個人靜靜地睇書嘅朋友。。。我哋就係两個大美人 (笑)入到 Zenon Cafe, 好自然俾佢地輕鬆嘅氣氛、有節奏既音樂，令到心情都愉快起來！店員非常之友善同 friendly, 安排我哋坐低之後，俾左我地 menu 後介紹咗一下佢哋呢度嘅菜單。睇睇下，原本好想食 all day breakfast , 不過女仔天生就中意甜品，crepe 同waffles 都好吸引。。。店員話佢地既crepe 係自己整，同出面唔同嘅地方係佢地既餅底係較厚身，重蛋香同質感，肯唔會整到太薄太脆，講講下我都
第一次踏入呢間甘有個性、情調休閑既 Cafe ，心情自然大好。係熱辣辣同人來人往嘅威靈頓街，踏入氣氛截然不同嘅 Zenon Cafe , 當堂生活上既壓力同負能量都煙消雲散，我諗呢個就係室內設計師嘅功力所在。中環能有此綠洲能充充電、洗滌心靈，實在福氣。
睇均成條威靈頓街 ，呢間Zenon 餐廳嘅人氣最旺，幾乎滿座。
呢度嘅客人各有形態，有外國人、有情侶、有成班熱熱鬧鬧既、都有一個人靜靜地睇書嘅朋友。。。我哋就係两個大美人 (笑)入到 Zenon Cafe, 好自然俾佢地輕鬆嘅氣氛、有節奏既音樂，令到心情都愉快起來！
店員非常之友善同 friendly, 安排我哋坐低之後，俾左我地 menu 後介紹咗一下佢哋呢度嘅菜單。睇睇下，原本好想食 all day breakfast , 不過女仔天生就中意甜品，crepe 同waffles 都好吸引。。。店員話佢地既crepe 係自己整，同出面唔同嘅地方係佢地既餅底係較厚身，重蛋香同質感，肯唔會整到太薄太脆，講講下我都想試下！
你話女仔係咪好善變？明明係為左佢地既 Famous All Bay breakfast, 結果又被佢地既desert 吸引，心大心細！唯一不變既係堅持 order Ice Latte ( 雖然見到其他枱嗰啲生果既特色飲品，都好似好fresh, 好好味，唯有留翻下次先飲。)
Ice latte HK 48
咖啡其實唔一定要熱飲先正宗，香港地方甘熱，飲一杯ice latte，透心涼快。
Zenon ice latte 香滑嘅奶味，並未蓋過咖啡既香濃。我試過係外面既 cafe 飲latte, 啲牛奶完全蓋過晒咖啡味，好似飲奶甘。zenon ice latte 則能表現 ice latte 既層次，上枱時一層層既奶同咖啡好靚，我習慣先飲啖底部既咖啡原味，再慢慢攪勻。
不過有啲cafe 一早已經幫你攪勻左牛奶同咖啡，甘就失去飲 latte 過程既樂趣。
Crepe Hk 68
Crepe 皮果然係做得有咬口，唔係薄弱既脆煎餅皮，crepe 皮柔軟煙勒，有彈性，可以食到明顯嘅蛋香味，無落糖落到甜滋滋，都幾原味。佢入面用咗大量嘅忌廉，所以如果 crepe 皮唔夠厚實，都好難包得着甘多既內涵。
切落去嗰一刻，鮮忌廉都係湧晒出嚟，唯有臨食之前再點返啲忌廉，唔好浪費。
新鮮、減甜、鮮果、健康既甜點概念，真係唔錯。起碼可以氹到我哋呢啲食客叫多款甜品。
配住咖啡黎飲，好寫意。
Strawberry Waffle Hk 50好靚嘅造型，加上大量新鮮嘅士多啤梨，見到都非常開心！
Waffle 底，外皮焗得熱熱地，脆卜卜，切開就見到裏面鬆軟嘅蛋糕底。蛋味香濃，最開心係佢少糖嘅配方，waffle 本身重蛋香同厚底質感，唔會太甜，食得健康又唔會漏，令人驚喜。
當然如果甜品唔甜， 好多人都唔會收貨，呢個 Waffle 既甜味源於上面既鮮忌廉、士多啤梨同朱古力醬，令我哋呢班貪靚既女仔，食得健康又唔怕肥。Zenon 仲有 organic hand made 雪條雪糕堂食/ 外賣，行都身水身汗，整支有機生果既雪條，都好過飲凍飲或汽水，係咪？最緊要係食得健康，唔會食多咗甜野會變肥，有罪惡感。
今日食左Zenon 既desert好滿足！好彩有呢個 desert 既新嘗試，Zenon 達人親手做既甜品係唔同D ！
Zenon Cafe 一定係香港最有特色、最值得朝拜既人氣cafe 之一！
張貼
