影片
更多
2022-01-08
1693 瀏覽
中環創新破格台灣菜 超黑嘅牛肉麵 創意芋泥乒乓球‼️香港人好耐都冇去過旅行，開始懷念台灣嘅美食🥲，但其實香港都有好多台灣菜館。但有時都食悶咗而呢間餐廳就提供多款新派台菜，打破傳統🤔。 Check in Taipei 位於中環扶手電梯下面，據說老闆係加拿大人，可能就因為係外國人，所以先製造到台式fushion料理😅。 餐廳裝修呈玩味風格，門口有大大盞霓虹燈寫著「我愛台妹」😏，亦設有酒吧高枱。坡璃貼有魷魚遊戲嘅logo，仲有魷魚遊戲嘅專屬菜單，好彩冇擺到木頭人公仔喺門口😨。 黑蒜牛肉麵$118 價錢算係偏貴，以正常台灣菜黎講🤑。 湯頭望落就真係超級黑，聞落超重蒜香同藥材味，但撇除面頭黑色嘅點點，佢本身都係清清地。飲落牛骨味濃郁，甜中帶黑蒜甘香，食到係真材實料，風味濃厚😍。 牛腱肉只有3片，期望會有更多，質感非常軟腍，炆得好耐，中間嘅筋位有少少溶化嘅感覺，肉味濃，食材的確唔錯👍。 旁邊有大量蒜蓉，喺黑色嘅湯底顯出白色嘅點點，而佢一D都唔搶，反而非常之creamy，甘甘地嘅，令口氣更臭😂。 百頁豆腐食落一D都唔齌，Q彈爽口，唔似平時超市嗰D。蟲草花事先有炸過，脆脆地，又有少少油香，令我食上隱🤪
香港人好耐都冇去過旅行，開始懷念台灣嘅美食🥲，但其實香港都有好多台灣菜館。但有時都食悶咗而呢間餐廳就提供多款新派台菜，打破傳統🤔。
Check in Taipei 位於中環扶手電梯下面，據說老闆係加拿大人，可能就因為係外國人，所以先製造到台式fushion料理😅。
餐廳裝修呈玩味風格，門口有大大盞霓虹燈寫著「我愛台妹」😏，亦設有酒吧高枱。坡璃貼有魷魚遊戲嘅logo，仲有魷魚遊戲嘅專屬菜單，好彩冇擺到木頭人公仔喺門口😨。
黑蒜牛肉麵$118
黑蒜牛肉麵
$118
124 瀏覽
1 讚好
0 留言
價錢算係偏貴，以正常台灣菜黎講🤑。
湯頭望落就真係超級黑，聞落超重蒜香同藥材味，但撇除面頭黑色嘅點點，佢本身都係清清地。飲落牛骨味濃郁，甜中帶黑蒜甘香，食到係真材實料，風味濃厚😍。
牛腱肉只有3片，期望會有更多，質感非常軟腍，炆得好耐，中間嘅筋位有少少溶化嘅感覺，肉味濃，食材的確唔錯👍。
旁邊有大量蒜蓉，喺黑色嘅湯底顯出白色嘅點點，而佢一D都唔搶，反而非常之creamy，甘甘地嘅，令口氣更臭😂。
百頁豆腐食落一D都唔齌，Q彈爽口，唔似平時超市嗰D。蟲草花事先有炸過，脆脆地，又有少少油香，令我食上隱🤪。蛋就係五七成熟嗰隻，只有少少流心。
黑蒜牛肉麵
35 瀏覽
0 讚好
0 留言
麵條用上刀削麵，夾落好滑，口感非常Q彈(Q彈x1)，煙韌，有少少似水晶粉，掛上黑色嘅點點，幾特別嘅👍👍。
台式肉鬆榨菜蛋餅$68
台式肉鬆榨菜蛋餅
$68
43 瀏覽
0 讚好
0 留言
望落幾colourful，而且超級長😂。蛋餅皮係薄嗰隻，食落有劾性，煙韌，唔錯。中間用上鴨蛋，蛋黃嘅比例較少，但佢嘅表面平滑，偏向彈牙，但味道同雞蛋相若😅。
台式肉鬆榨菜蛋餅
29 瀏覽
0 讚好
0 留言
榨菜比起咸菜冇咁powerful，質感有少少似橄欖。再配上大量嘅肉鬆，醬油膏同蛋黃醬。如果佢切得細D就可以一啖咬哂，D肉鬆就唔會飛走哂😂
鹹蛋黃芋泥乒乓球$72
鹹蛋黃芋泥乒乓球
$72
23 瀏覽
0 讚好
0 留言
佢個木盤真係一個乒乓球拍🏓，呢樣野算係自家創作，但D紫薯粉同蛋黃醬都有少少多餘😅。
外面係一層裹上麵包屑嘅炸皮，但就炸得耐左，已經變到啡色，咬落有少少硬。有少少似酒樓嘅紫心香芋丸🤨。
第二層就係一個類似芋泥麻糬嘅物體，見到入面係起膠嘅，質感軟糯Q彈，黏中帶少少韌性，同想像中嘅芋泥texture有少少分別。味道冇想像中咁甜，但都有芋頭香🧐。
鹹蛋黃芋泥乒乓球
17 瀏覽
0 讚好
0 留言
中間就係純咸蛋黃+咸蛋黃醬。咸蛋黃仲係暖暖地，質感就好似沙咁，順滑而高膽固醇😅。咸蛋黃醬同咸蛋黃相若，但顏色較谈，好rich但有少少齋，冇乜甜/咸嘅調味🥲。
黑芝麻麻糬 (不在正餐牌中)
黑芝麻麻糬
33 瀏覽
0 讚好
0 留言
呢樣野其實係18年台灣大熱嘅淡水名物，當年喺ig洗版。要將牛奶加熱再加入木薯粉煮至糊身起筋，再加入煉奶雪凍而成🥶。
餐廳就將麻糬同芝麻粉比你自己搞。麻糬一拉就連根拔起，放係度果陣就好似一個人懶到扒左喺張床度，變成一pat 野咁🤣。
黑芝麻麻糬
12 瀏覽
0 讚好
0 留言
麻糬入口冰凍，绵滑漿口，入口即化，比起正常麻糬，呢隻更加軟化(半液體固體狀態)。味道方面，香滑奶濃，甜度適中🤩。麻糬會自然痴著D粉，有少少似糖不甩咁。配上幼細/無加糖嘅黑芝麻粉，香口甜美。建議餐廳可以有雙拼粉嘅選擇，始終味道較為單一，隻碟可以再平啲大啲。
張貼
