小澤日本料理 (已結業)

好抵食既日本料理，斜路上面一間小小既店，中環午市時段超級忙，小妹book左幾次先book到台黎試食。午市時段，個人認為環境太迫，要食得好急。$110可以任揀三款，相當抵食，咀刁既小妹推薦大家食半燒三文魚飯，用火槍半燒出黎岩岩好，香噴噴，油脂高。😋天婦羅既炸粉薄，係我幾鍾意既味道，因為我好怕炸粉厚過隻蝦。除左準時到都要企係出面食塵等位，入面台同台之間既密度同茶餐廳一樣逼之外，以呢個價錢的的確確係中環區所向無敵。