KiKi麵店 (國際金融中心商場)

營業中

休息中

因為Lunch time 落好大雨，所以去咗IFC嗰度食。但係呢間分店lunch嘅時候係冇得預訂，只可以喺Gulu上面攞飛或者去分店度攞實體飛。我喺Gulu上面攞咗飛等大概20分鐘到就有位，我見佢哋嘅服務速度都好快，所以等咗唔係太耐就有位，可以喺IFC度行一行。佢哋嘅lunch set係可以揀前菜同埋一杯餐飲。餐飲免費的話就有烏龍茶或冬瓜茶。建議如果唔係太鍾意甜嘅朋友的話如果想揀冬瓜茶就揀凍嘅，因為佢嘅甜度係冇得選擇，咁等啲冰融嘅時候就冇咁甜😊。古法藥膳排骨湯麵 $158 3.5/5⭐️佢個湯底真係好重藥膳味道，嚟到嘅時候見到好濃郁嘅啡色同埋聞落好香嘅藥材味。我個人就覺得比較濃咗少少，但係我朋友話都幾好味。啲排骨都算腍，咬幾下啲肉就嚟骨，唔會話太晏。KiKi大雞扒拌麵 $158 4/5⭐️👍🏻呢個係佢哋招牌菜之一，果然冇失手。個雞扒炸得好香脆，而且肉質唔會太乾，食落都唔係太熱氣。佢嗰炸漿亦調味得不錯，有少少椒鹽嘅味道，好似喺台灣夜市食到嘅雞扒。以lunch嚟講佢哋份量都算大，一個女仔要食晒的話都幾飽因為麵嘅份量都算多。