家外家 (已結業)

今日食lunch去咗公司附近一間比較經濟實惠嘅鋪頭食。呢間鋪頭出名整燉湯，同朋友咁岩兩個都想食丼飯，黎左個中湯日飯crossover lunch，比想像中好食更加多！！1a) 鰻魚丼 望落去個鰻魚飯好似太多汁，但係撈埋飯嚟食係啱啱好㗎！鰻魚唔會煮到林晒散晒，仲有少少陣牙嘅質感係到，個汁唔會太甜太濃，無諗過喺呢度可以用呢個價錢可以食到日式餐廳水準，好味！1b) 長山白鮮人參燉烏雞湯
本身朋友鍾意食雞湯，見到裏面好足料真係一條條人參，佢話好好味好似飲緊韓國果d人參湯咁！2a) 煎鯖魚皮果邊煎到好香，肉好juicy唔會乾到柴咁，好味！唔介意食到骨既朋友要試試啊～2b) 鱷魚湯呢個湯飲落好清甜，睇相都睇得出佢好清，完全無油咁濟，超好飲！個人比較鐘意飲呢碗；而呢碗我覺得係成個餐嘅精粹，見到碗湯有好多材料藥材，但燉嘅湯先可以煮到佢咁清但同時又好夠味！仲有止咳化痰功效，得閒真係要黎飲多幾碗！仲有「茶碗蒸」「雲耳」做前菜&伴菜，兩樣都唔錯，茶碗蒸好滑1d氣泡都冇，雲耳酸酸地係我鐘意果隻開胃味道！一個男仔都食唔晒成個set！幾十蚊食到咁多質既野性價比超高！