潮庭 (已結業)

今日中午同同事食飯，三個人想食好少少，決定不如去飲茶，喺中環返工就知道無論去邊度食lunch都係咁多人。當然第一時間預早訂位，我地中午12:10去到，當時吾係太多人，不過坐到12:45後就發現側面D抬坐滿人了。環境幾好，裝修都好靚，初初坐低覺得冷氣都幾凍。我們主要叫點心，叫左山竹牛肉，黑松露淮山素餃（黑松露放頂，好香），奶皇流沙包（一咬開真係流曬D奶黃出黎，正），xo醬炒蘿蔔糕（熱辣辣好好味），鹹水角，最後甜品仲叫咗個紅棗糕，係我嘅至愛！好好味！