大呷台灣 (已結業)

星期六happy hour後決定醫下肚子先再繼續飲😚，我同朋友決定食平DD，剛好附近有間台灣菜餐廳叫大呷台灣，我地決定入去試下。餐廳燈光非常光猛，地板上既黑白磚◾️▫️以及牆身木條設計帶有懷舊既感覺。- 鹽酥豆腐粒豆腐大小適中，一口可以食曬。外皮酥脆但豆腐仍然嫩滑。- 大呷小籠湯包餐牌寫明等侯時間為十分鐘，上菜時侯見到熱氣騰騰，果然係即叫即整。小籠包外皮非常薄，一咬就爆曬汁，可見肉汁豐富。- 蒜泥粉皮白肉白肉比較瘦，上面舖滿香蒜，非常惹味，粉皮本身無咩道，不過索曬酸酸辣辣既蒜蓉醬汁之後，粉皮即刻變得不簡單，爽口兼味道濃郁。- 干貝蔥油乾拌麵配上湯麵條有少少Q彈，蔥油味超香濃，干貝增添口感。- 珍珠奶茶奶茶比一般顏色較深，茶底比較澀，珍珠尚好，口感煙煙韌韌。- 百香果QQ甜度適中，入面仲有椰果粒，充滿咬口。以上食物都充滿水準，而且食物款式超多。雖然因為封關既關係而未能去台灣旅行，不過可以嚟大呷台灣可以過下口癮先😝