羅富記粥麵專家 (已結業)

喺中環想食碗粥其實係幾難，大概係粥品賣唔得貴，生存空間比較少。羅富記喺中環有三間分店，而且做多年都屹立不倒，可見質素一定有返咁上下。最難得係價錢都好貼地，去鏞記食碗粥加茶錢加一要差唔多一百蚊埋單，去黃枝記都貴過呢度十幾蚊兼唔好食。油菜可以揀蠔油或上湯，盛惠$20。炸雲吞，個皮唔係平時酒樓食嗰啲，厚少少同埋鞋少少，凹凹凸凸令更多油附喺雲吞上面，感覺好熱氣。（早知嗌鯪魚球🙈）肉丸粥，有成6、7粒都幾多，咬開彈牙，打嘅時候落左胡椒粉調味，味道同質感都唔錯。粥底都有做到調味，雖然唔係特別好綿密，但一定唔係勁稀嘅粥水，收貨。喺中環好難搵間價錢平又唔錯嘅粥店，所以間唔中都會幫襯😎麵食反而多啲選擇，會去沾仔記、麥奀食雲吞麵，或者九記食牛腩麵。anyway呢間都係一間唔錯嘅食店👍🏻