影片
更多
2019-04-08
70 瀏覽
喺中環返左好多年工，最近一年先搬離此地，但依然掛住呢區既美食。話說中環美食選擇多，但價碼同地價成正比，要搵到CP值高既餐廳並唔易。近日同女友返來行下，發覺X華條街多左間幾有趣既茶餐廳。近年好多茶餐廳都愈來愈注重裝潢，但好多食物水準一般，好多都係得個樣！但呢間就完全唔同，係從內涵上convince到我。呢間野既舖位以前係一家佔地3層既餐廳酒吧，冇做後原址全部變成呢間茶餐廳，所以淨係講面積都大過人。懷舊得過份既裝修好似帶我返去80、90年代黃金時期既香港，倍感親切；更值得表揚既係連餐牌上所有食物都彷彿時光倒流咁，我可以食返果陣時周街都係、但依家近乎沒落既鼓油西餐。經典之一係果時好興既鐵板牛扒餐——女友叫左一份香煎西冷扒5成熟，厚切既西冷用鐵板上，Waiter會喺你面前淋黑椒汁，即時煙冒瀰漫，塊扒腍得來質感很好，濃郁既肉汁非常入到塊牛扒，肉香亦不俗，絕對高質過以前既扒X之王，薯條係用舊酒樓食到既扭紋粗薯條，炸得香脆可口。整體對得住個價錢。另一經典係小弟叫既肉絲炒面，同樣係用鐵板上！面餅炸到脆一脆，正！令我驚喜既係啲銀芽全部都搣得乾淨，呢點好多高級餐廳都做唔到。肉絲、冬菇、韮王等材料都好傳統，
喺中環返左好多年工，最近一年先搬離此地，但依然掛住呢區既美食。話說中環美食選擇多，但價碼同地價成正比，要搵到CP值高既餐廳並唔易。
近日同女友返來行下，發覺X華條街多左間幾有趣既茶餐廳。近年好多茶餐廳都愈來愈注重裝潢，但好多食物水準一般，好多都係得個樣！
但呢間就完全唔同，係從內涵上convince到我。
呢間野既舖位以前係一家佔地3層既餐廳酒吧，冇做後原址全部變成呢間茶餐廳，所以淨係講面積都大過人。懷舊得過份既裝修好似帶我返去80、90年代黃金時期既香港，倍感親切；更值得表揚既係連餐牌上所有食物都彷彿時光倒流咁，我可以食返果陣時周街都係、但依家近乎沒落既鼓油西餐。
香煎美國西冷
6 瀏覽
0 讚好
0 留言
香煎美國西冷
6 瀏覽
0 讚好
0 留言
經典之一係果時好興既鐵板牛扒餐——女友叫左一份香煎西冷扒5成熟，厚切既西冷用鐵板上，Waiter會喺你面前淋黑椒汁，即時煙冒瀰漫，塊扒腍得來質感很好，濃郁既肉汁非常入到塊牛扒，肉香亦不俗，絕對高質過以前既扒X之王，薯條係用舊酒樓食到既扭紋粗薯條，炸得香脆可口。整體對得住個價錢。
銀芽肉絲炒麵
26 瀏覽
0 讚好
0 留言
另一經典係小弟叫既肉絲炒面，同樣係用鐵板上！面餅炸到脆一脆，正！令我驚喜既係啲銀芽全部都搣得乾淨，呢點好多高級餐廳都做唔到。肉絲、冬菇、韮王等材料都好傳統，如果有芥辣醬就Perfect。
薄荷朱古力
16 瀏覽
0 讚好
0 留言
要講懷舊，呢度既飲品更有Feel。我試下嗌左杯「薄荷朱古力」相信依家好少地方有得飲。睇賣相已非常IGable，飲啖真係不得了，平時唔係太好薄荷既我都覺得好飲，兩種帶苦既野沖出來既飲品，竟然完全唔苦，而係衍生出另一種甜。從來唔知薄荷同朱古力可以咁水乳交融！
張貼
