小南國 (已結業)

今日和朋友食午飯、想起了很久沒有去的中環小南國。今天唔係太多人坐好舒服又寧靜，好正！四喜燒烤麩、招牌小食。汁醬唔太甜又唔太濃味，烤麩入口有小小彈牙又帶有汁醬、是開胃菜之選！蔬菜沙律、蔬菜十分新鮮，入口有爽脆、青新又健康！特製生拆蟹粉小籠包，時令之選、比正常小籠包大小小。小籠包熱騰騰、包皮又薄又晶瑩、睇見金黃色的湯汁被包裹在小籠包內，已經很想一啖呑晒成隻小籠包。入口湯汁四濺又帶點燙口、蟹粉味濃郁，連湯汁、蟹肉及蟹粉、豬肉一起食用，味道十分豐富！椒鹽小黃魚、黃魚煎得又香又脆，加上小小爆香了的蒜蓉，入口香脆好味又唔油膩！