Unbothered (已結業)

位處中環蘭桂芳1號，小型樓上cafe 門面清新，有咖啡同各式茶選擇。樓上環境整潔，因為今日落雨所以冇咩人，店員會搬食物上樓俾客人。有個小露台可以俾客人坐出面，不會淋到雨，分做吸煙區。朋友揀左朱古力伯爵latte,我揀左香芋鮮奶latte,鮮奶味較重，拉花都幾靚！小食方面揀左雞翼同薯條，雞翼係一字骨辣味雞翼，薯條就有啲黑椒粉。如果在中環行得攰想搵地方舒舒服服坐下，同朋友傾陣計，都不失為一個好去處！