S2 Kitchen (已搬遷) 新店位置

今個禮拜經常交通堵塞，但難得公司肯早放，於是即刻約朋友提早食晚飯，再次早啲返屋企休息。首先日本蕃茄沙律，本身好怕蕃茄企浸酸味，但呢個沙律好鮮甜爽脆，醋汁開胃。白身魚薄切，上面鋪左海葡萄，一咬開汁液散發出海水鮮味，從鮮魚片味道十分配合。蘆筍溏心卷炸得爽脆而不油膩，做法似天婦羅，外面crunchy ，內面有嚼勁。芝麻雞翼炸得香口，雞肉鮮嫩，外面脆皮同雞肉層次分明。最後係櫻花蝦泡菜炒飯，比較濕。泡菜大大塊，唔算太辣。甜品係芝士蛋糕，芝士味香濃，蛋糕質地厚身。呢間鋪頭喺中環石板街上面，但而家市況不景，我同朋友好似包場咁，環境清靜好氣氛。老闆表示，呢度都有做omakase，定位仲有折扣添。呢度仲有好多嘢未食未試，下次一定再來。