新森林焗之專門店 (威靈頓街)

營業中

休息中

香港地鋪租金貴絕全球，要揾餐平靚正的西餐食宴殊不容易，更要在金融中心中環地帶，真是有D難度，不過呢間肯定是我首選，價錢比D大乜乜集團差不多，但是無論是莱式同質素都高出幾班，就算在最繁忙的午市時段，試過幫襯幾次都能保持其快靚正的高質出品，真是非常優越。全日早餐餐包熱暖軟屬，漢堡豬排又滑又多汁，雞排也煎得香趣，口感都是滑溜兼有肉汁，加上珍寶腸，太陽蛋同粟米，配個餐飲熱奶茶，又豐富又滿足，奶茶仲非常香濃添。皇牌蕃茄芝士焗豬排飯呢個皇牌早幾年已經攞過奬，見到都留口水，撥開D芝士，見到飯有炒蛋低，D飯睇落似好乾身，食落又啱啱好喎，不乾不濕不油，豬排雖然並非厚切，但都份量十，好冧，口感不錯，茄醬適中，真是皇牌之選。