INTIME (已結業)

去睇巨型黃鴨，突然好想食肉肉，搵到呢間西餐，裝修以綠色做主調，有兩層，店員同店長都好熱情，由於落雨客人不多，可以坐好耐都唔會有壓力，餐廳開左一個多月，菜單選擇唔算好多，但咖啡同食物味道都很不錯。香煎帶子配櫻花蝦意式香草醬貓耳朵意粉 $188～～一坐底就睇中左呢個貓耳朵，口感彈牙，醬汁不多不少很適量，有三隻香煎的大帶子，仲有啲青瓜絲鋪面，份量足夠，完全唔會膩。香煎西班牙栗飼黑毛豬扒配焦糖蘋果香草燒汁薯蓉及沙律 $218～～好好食，西班牙黑毛豬肉嫩多汁，很有肉味就算唔加燒汁都好好食，而且大大塊，但獨食我都可以，薯蓉好幼滑，仲有半份沙律，沙律菜好新鮮，大推👍👍紅絲絨蛋糕配雲尼嗱雪糕 $98～～紅色蛋糕體好吸精，口感濕潤，忌廉帶奶酪味，甜而不膩，仲有啲玫瑰味，好特別，仲有啲微酸梅乾增加口感，mocha $52～～濃濃的咖啡味加濃濃的朱古力味，苦味較重，貓貓拉花很可愛。Hojicha Latte (Made with Yamamasa Koyamaen $50～～濃濃的焙茶香味，奶和茶比較剛好，微甜，用的是山正小山園的焙茶，是我喜歡的味道。