影片
更多
2019-08-20
239 瀏覽
今日工作需要嚟到中環，因為冇乜時間食飯所以同事推介左呢間主打外賣嘅餐廳。位於利源東街，係排檔嘅兩邊，位置比較隱蔽難搵。門口見到寫住即叫即煎，所以都等咗大概10分鐘嘅時間先攞得走。用嘅係環保嘅紙飯盒，值得一讚。打開飯盒，有啲嚇親雞扒嘅份量咁多。不過粟米就真係少得可憐。如果有多啲蔬菜就比較理想。至於雞扒算係濃味，感覺有少少蓋過咗本身嘅雞味。抵讚嘅係煎得好香，亦都唔會太油太多脂肪。飯質嚟講個飯味唔太香，可能成本關係，用啲比較平價嘅米。不過勝在份量夠多，如果平時係細食嘅，可以選擇叫小飯。黑椒汁分開裝，感覺企理，不過今次就用咗膠。至於熱咖啡就不過不失啦。整體來講，中環食到$45連嘢飲又飽肚嘅飯都認真抵食
門口見到寫住即叫即煎，所以都等咗大概10分鐘嘅時間先攞得走。
用嘅係環保嘅紙飯盒，值得一讚。打開飯盒，有啲嚇親雞扒嘅份量咁多。不過粟米就真係少得可憐。如果有多啲蔬菜就比較理想。
至於雞扒算係濃味，感覺有少少蓋過咗本身嘅雞味。抵讚嘅係煎得好香，亦都唔會太油太多脂肪。飯質嚟講個飯味唔太香，可能成本關係，用啲比較平價嘅米。不過勝在份量夠多，如果平時係細食嘅，可以選擇叫小飯。
黑椒汁分開裝，感覺企理，不過今次就用咗膠。至於熱咖啡就不過不失啦。
整體來講，中環食到$45連嘢飲又飽肚嘅飯都認真抵食
張貼
