辨面館 (已結業)

行經中環，見到一間新開嘅川菜餐廳，幾抵食就入去試下。因為好肚餓，我同朋友嘅坐低就叫咗三文魚子擔擔凍豆腐，這道前菜有小小麻辣，好似擔擔麵咁好香花生醬味，同時豆腐好清新爽口，非常適合最近轉熱的天氣。我叫咗慢煮吉列猪扒擔擔麵，辣辣地，同樣帶有花生醬香，配菜有溫泉蛋、芽菜、菜苗。吉列豬扒分開上，炸到外脆內軟，仲有芝麻醬沙律伴碟，唔使驚太大罪惡感。朋友唔食得辣，叫咗慢煮温泉雞湯麵，湯底味道較日式拉麵清甜，而且有雞味，雞肉好嫩口易咬，配菜有少少唔同，有溫泉蛋、木耳、雞肉、芽菜。麵餐免費送兩罐可樂，還可以追加小食。我哋加咗雞湯西蘭花，即叫即煮，上菜時出哂煙。我哋同時加咗三件四川炸雞，同樣熱辣辣，新鮮炸起，加咗辣粉和甜酸醬更加惹味。最後我哋仲叫咗慢煮香草牛肋串同孜然紐西蘭羊肉串。香草牛肋串嘅牛味夠重，而且有咬口；孜然紐西蘭羊肉串則羊味濃郁，但唔會騷。串燒都有沙律伴碟，吃起來更加健康美味。除了美食外，餐廳當晚仲播咗好多經典英文金曲，氣氛非常好。