影片
更多
2022-05-02
2630 瀏覽
雞白拉麵專門店品牌座銀集團旗下又引入新拉麵品牌 - 來自大阪難波既ℕ𝕖𝕩𝕥 𝕊𝕙𝕚𝕜𝕒𝕜𝕦。繼雞白湯、鯛魚湯後，今次輪到牡蠣做主角。餐廳地點正正係座銀隔一個鋪位，正宗「打對台」排隊都一左一右齊齊排，搞到我去到都要研究下排隊人龍既面向先知邊到係龍尾。.ℕ𝕖𝕩𝕥 𝕊𝕙𝕚𝕜𝕒𝕜𝕦唔似其他兩間拉麵姐妹店咁行日本傳統柔和木系風格，今次大走暗黑路線玩暗黑、石磚牆同金屬不鏽鋼裝飾，門口線條簡約，招牌單純只有一個圓形同一個倒三角符號，神秘型格。由於剛剛開業，加上假日中午黎嘗鮮既人確實不少，最終都等咗差唔多半個鐘先至可以入座。.同品牌其他姊妹店一樣，餐牌好簡約得三款拉麵 - 牡蠣白湯：以牡蠣加上豚肉、雞肉熬製而成嘅湯底；牡蠣清湯：顧名思義係單純以牡蠣高湯入麵；牡蠣沾麵：牡蠣加上豚骨湯嘅高度濃縮版本。.小食暫只有慢煮叉燒同櫻木煙燻糖芯蛋兩款，聽店員講嚟緊仲會有炸牡蠣供應。不過到訪當天可能仲係soft opening ，慢煮叉燒供應量不足，所以只係可以配拉麵享用唔可以散叫。.牡蠣白湯 ᴋᴏᴇʀᴜ 💲158⭐️3.9/5前前後後嘅食客基本上都係叫呢款主打白湯版本。同雞白、鯛白湯一樣，牡蠣加上豚肉同雞肉一齊熬煮，
.
ℕ𝕖𝕩𝕥 𝕊𝕙𝕚𝕜𝕒𝕜𝕦唔似其他兩間拉麵姐妹店咁行日本傳統柔和木系風格，今次大走暗黑路線玩暗黑、石磚牆同金屬不鏽鋼裝飾，門口線條簡約，招牌單純只有一個圓形同一個倒三角符號，神秘型格。由於剛剛開業，加上假日中午黎嘗鮮既人確實不少，最終都等咗差唔多半個鐘先至可以入座。
.
同品牌其他姊妹店一樣，餐牌好簡約得三款拉麵 - 牡蠣白湯：以牡蠣加上豚肉、雞肉熬製而成嘅湯底；牡蠣清湯：顧名思義係單純以牡蠣高湯入麵；牡蠣沾麵：牡蠣加上豚骨湯嘅高度濃縮版本。
.
小食暫只有慢煮叉燒同櫻木煙燻糖芯蛋兩款，聽店員講嚟緊仲會有炸牡蠣供應。不過到訪當天可能仲係soft opening ，慢煮叉燒供應量不足，所以只係可以配拉麵享用唔可以散叫。
.
牡蠣白湯 ᴋᴏᴇʀᴜ 💲158
⭐️3.9/5
前前後後嘅食客基本上都係叫呢款主打白湯版本。同雞白、鯛白湯一樣，牡蠣加上豚肉同雞肉一齊熬煮，所以湯嘅質感同樣非常濃稠，幾近乎沾麵湯既口感。湯帶牡蠣微微鮮味，本身唔算特別喜歡海鮮湯頭覺得不多不少剛剛好。濃稠湯底內加左不少洋蔥粒調味，我自己好喜歡呢個配搭，因為洋蔥鮮甜可以中和濃膩感。湯配料有慢煮叉燒一片同埋一隻小牡蠣，份量不多質素正常。
.
牡蠣沾麵 ᴀꜱᴏʙᴜ 💲178
⭐️3.9/5
我食拉麵不習慣飲湯，只係喜歡以拉麵掛湯吃，因此一向都比較偏心沾麵，反正都係純用拉麵掛湯，湯越濃當然越惹味。變調版本既沾麵湯，除左比牡白款鹹同牡蠣味少少被豚香掩蓋外；兩款麵湯底，無論口感同味道都意外地接近。沾麵用咗日本一間知名製麵屋獨家研發出長方形嘅「平打麵」，號稱更加掛湯。唔知係咪錯覺，呢種平麵份量比我之前食過嘅沾麵都要多。麵條似用清水呈上，麵質滑溜，極似港式河粉質感。沾麵冇跟完整叉燒，豚肉全部已經變成肉碎混喺啲湯入邊，另外唔少得仲有牡蠣一隻。
.
櫻木煙燻糖芯蛋 💲15
⭐️4/5
糖芯蛋係座銀集團做得比較出色嘅項目。蛋黃呈深橙色，有微微鹹香同煙熏味，必點。
.
總結：牡蠣白湯同牡蠣沾麵今次平手。不考慮價錢，只係可以二選一嘅話我會叫返白湯，因為湯比沾麵鮮甜少少。唯一要吐糟部份就一定係價錢，連加一接近💲200一碗拉麵計，定價算係相當進取，幾近天價。不過睇見佢哋集團三間拉麵店既排隊人龍，貌似呢個問題影響不大。
.
不專業食評 nei.foodie
牡蠣白湯
$158
110 瀏覽
0 讚好
0 留言
牡蠣沾麵
$178
143 瀏覽
0 讚好
0 留言
牡蠣沾麵
$178
72 瀏覽
0 讚好
0 留言
牡蠣白湯
$158
49 瀏覽
0 讚好
0 留言
櫻木煙燻糖芯蛋
$15
39 瀏覽
0 讚好
0 留言
張貼
