本格 (已結業)

前日早咗放學，lunch同同學嚟到中環呢邊搵好嘢食～見到呢間新開嘅餐廳，佢仲係試業中，就上嚟試吓～餐廳以吧枱為主，有唔同款式嘅串燒飲品～我哋揀咗幾款串燒食燒雞翼一大隻燒雞翼，食落覺得好Juicy，有好多肉汁流出來～燒雞軟骨煙煙韌韌嘅雞軟骨，食落幾有咬口，而且燒得好香燒雞肉新鮮嘅燒雞肉，肉質幾嫩滑，食得幾滋味～燒芝士麻薯幾鍾意呢個芝士麻薯，柔柔軟軟，中間嘅芝士餡有流心嘅感覺，食得好滿足～燒三文魚好香嘅燒三文魚，而且唔會覺得腥，啲魚汁仲會流出黎添～餐廳嘅職員服務態度好好~有個靚仔哥哥好熱情咁serve我哋!