陀地燒 (已結業)

中環新開左一間據聞好抵食嘅燒烤店，裏面嘅燒烤款式好多，最平＄8就有一串，所以星期五放工就同朋友嚟試吓。由於係Happy Friday，6:45 去到嗰度已經差唔多fullhouse，如果唔想摸門釘嘅話，記得要提早book位啊！首先叫咗著名嘅黃金芝士年糕，的確好香脆，入邊芝士餡爆棚，軟綿綿嘅口感配上煉奶，食到停唔到口。海鮮方面，＄12一件燒生蠔真係非常抵食，新鮮嘅生蠔加上滿滿嘅蒜蓉真係好惹味。牛肉串、豬頸肉、雞軟骨、雞腎同雞翼都係必點之選，全部都係即叫即整，亦都好快上桌。食得太多肉，梗係要食返幾串清甜嘅菠蘿解吥膩，仲有好多其他蔬菜可以選擇，我哋試咗翠玉瓜同埋冬菇都非常滿意👍🏻飲品方面有買一送一嘅啤酒，亦都有各式梳打茶飲可供選擇，人均200左右食到好飽，算係同朋友聚會不錯嘅選擇。